റിയാദ് : സൗദിയില്‍ കോവിഡ് ബാധിച്ച്‌ ചികിത്സയിലായിരുന്ന ഒരു പ്രവാസി മലയാളി കൂടി മരിച്ചു. ജിദ്ദ സനാഇയ്യയില്‍ ടിഷ‍്യൂ പേപ്പര്‍ കമ്പിനിയില്‍ ജീവനക്കാരനായിരുന്ന മലപ്പുറം നിലമ്പൂര്‍ വഴിക്കടവ് സ്വദേശി പുതിയത്ത് മുഹമ്മദ് എന്ന കുഞ്ഞു (52) ആണ് മഹ്ജര്‍ കിങ് അബ്ദുല്‍ അസീസ് ആശുപത്രിയില്‍ മരിച്ചത്. കൊവിഡ് ബാധിച്ചതിനെ തുടര്‍ന്ന് നാല് ദിവസം മുമ്പാണ് ആശുപത്രിയില്‍ പ്രവേശിപ്പിച്ചത്. . ജിദ്ദയില്‍ മരിക്കുന്ന മൂന്നാമത്തെ മലയാളിയാണ് ഇദ്ദേഹം. ഭാര‍്യ: നഫീസ. മക്കള്‍: സക്കീര്‍ ഹുസൈന്‍ (കുവൈത്ത്), മുഹമ്മദ് ഷമീല്‍, സഹീന.
