മസ്കത്ത്: കോവിഡ് ബാധിച്ച്‌ ചികിത്സയിലിരുന്ന മലപ്പുറം സ്വദേശി ഒമാനില്‍ മരിച്ചു. വളാഞ്ചേരി മൂര്‍ക്കനാട് പറപ്പളത്ത് വീട്ടില്‍ കുഞ്ഞുണ്ണീന്‍ മകന്‍ മുഹമ്മദലി മുസ്ലിയാര്‍ (ബാപ്പുട്ടി-55) ആണ് വ്യാഴാഴ്ച രാത്രി മരണപ്പെട്ടത്. റുസ്താഖ് ആശുപത്രിയില്‍ തീവ്ര പരിചരണ വിഭാഗത്തില്‍ ചികില്‍സയിലായിരുന്നു. 15 ദിവസം മുമ്ബാണ് ആശുപത്രിയില്‍ പ്രവേശിപ്പിച്ചത്. 12 വര്‍ഷമായി ഒമാനിലുണ്ട്. ബര്‍ക്കയിലെ ബില്‍ഡിങ് മെറ്റീരിയല്‍സ് സ്ഥാപനത്തില്‍ ജീവനക്കാരനായിരുന്നു. ഹഫ്സയാണ് ഭാര്യ, അഞ്ചുമക്കളുണ്ട്. മൃതദേഹം തിങ്കളാഴ്ച അമിറാത്തില്‍ ഖബറടക്കും.
