ഗുജറാത്ത് : ഗുജറാത്ത് രാജ്കോട്ടലെ കൊവിഡ് ആശുപത്രിയില് ഇന്ന് പുലര്ച്ചെയുണ്ടായ അഗ്നിബാധയില് ആറ് പേര് മരിച്ചു. നിരവധി പേര്ക്ക് പരുക്കേറ്റു. രാജ്കോട്ടിലെ ശിവാനന്ദ് ആശുപത്രിയിലെ തീവ്രപരിചരണ വിഭാഗത്തിലാണ് തീപിടുത്തമുണ്ടായത്. 11 കൊവിഡ് രോഗികളായിരുന്നു ഈ സമയത്ത് ഐ സി യുവില് ഉണ്ടായിരുന്നത്. അപകട കാരണം ഇതുവരെ കണ്ടെത്താനായിട്ടില്ല. അഗ്നിശമനാസേന തീപിടുത്തം നിയന്ത്രണവിധേയമാക്കുകയാണ്. സംഭവത്തില് ഗുജറാത്ത് മുഖ്യമന്ത്രി വിജയ് രൂപാണി അന്വേഷണം പ്രഖ്യാപിച്ചു.
