ന്യൂഡൽഹി : രാജ്യത്തു കഴിഞ്ഞ 24 മണിക്കൂറിനിടെ പുതുതായി 28,326 പേർക്കു കോവിഡ് സ്ഥിരീകരിച്ചു. നിലവിൽ 3,03,476 പേരാണു ചികിത്സയിലുള്ളത്. 26,032 പേർ സുഖം പ്രാപിച്ചതോടെ ആകെ രോഗമുക്തരുടെ എണ്ണം 3,29,02,351 ആയി. രോഗമുക്തി നിരക്ക് 97.77%. 2020 മാർച്ചിനുശേഷമുള്ള ഏറ്റവും ഉയർന്ന നിരക്കാണിത്.
പ്രതിവാര രോഗസ്ഥിരീകരണ നിരക്ക് (1.98%) കഴിഞ്ഞ 93 ദിവസമായി 3 ശതമാനത്തിൽ താഴെയാണ്. പ്രതിദിന രോഗസ്ഥിരീകരണ നിരക്ക് (1.9%) കഴിഞ്ഞ 27 ദിവസമായി 3 ശതമാനത്തിൽ താഴെ തുടരുന്നു. ആകെ 56.32 കോടി പരിശോധനകൾ നടത്തി. രാജ്യവ്യാപക പ്രതിരോധ കുത്തിവയ്പ് പരിപാടിയുടെ ഭാഗമായി ഇതുവരെ 85.6 കോടി ഡോസ് വാക്സീൻ നൽകിയെന്നും കേന്ദ്ര ആരോഗ്യ മന്ത്രാലയം അറിയിച്ചു.
