പത്തനംതിട്ട : കുമ്പഴയില്‍ ഹോട്ടല്‍ ജീവനക്കാരന് കോവിഡ്‌ സ്ഥിരീകരിച്ചു. ഇതിനെത്തുടര്‍ന്ന് ഇന്ന് രാവിലെ ആരോഗ്യ വകുപ്പ് ഉദ്യോഗസ്ഥര്‍ എത്തി ഹോട്ടല്‍ അടപ്പിച്ചു. റാന്നി റോഡില്‍ പ്രവര്‍ത്തിക്കുന്ന ഗ്രീന്‍ ലാന്റ് ഹോട്ടലിലെ കാഷ്യര്‍ ആയിരുന്നു ഇദ്ദേഹം. ഇന്നലെയും ഇദ്ദേഹം ഹോട്ടലില്‍ എത്തിയിരുന്നു. പലര്‍ക്കും ഭക്ഷണം വിളമ്പി നല്‍കുകയും ചെയ്തിരുന്നു. അതുകൊണ്ടുതന്നെ സമ്പര്‍ക്ക പട്ടിക അതി വിപുലമാണ്. കഴിഞ്ഞ ദിവസങ്ങളില്‍ ഹോട്ടലില്‍ എത്തിയവരും ഇദ്ദേഹവുമായി സമ്പര്‍ക്കത്തില്‍ വന്നവരും സ്വയം നിരീക്ഷണത്തില്‍ പോകുന്നത് രോഗവ്യാപനത്തിന്റെ തീവ്രത കുറയ്ക്കുവാന്‍ സഹായിക്കും.
