ന്യൂഡല്ഹി : മൂക്കിലൊഴിക്കുന്ന കോവിഡ് വാക്സിന്റെ ആദ്യ ഘട്ട പരീക്ഷണം വിജയകരം. പ്രമുഖ വാക്സിന് നിര്മ്മാതാക്കളായ ഭാരത് ബയോടെക്ക് വികസിപ്പിച്ച ആദ്യ നേസല് വാക്സിനാണ് കോവിഡ് പ്രതിരോധത്തില് പ്രതീക്ഷ നല്കുന്നത്.
രണ്ടാം ഘട്ട ട്രയല് പരീക്ഷണത്തിനും മൂന്നാം ഘട്ട ട്രയല് പരീക്ഷണത്തിനും ഇതോടെ അനുമതി ലഭിച്ചു. രാജ്യത്ത് 2-3 ഘട്ട പരീക്ഷണത്തിന് അനുമതി ലഭിക്കുന്ന ആദ്യ ഇന്ട്ര നാസല് വാക്സിന് ആണിത്. കേന്ദ്ര ശാസ്ത്ര സാങ്കേതിക മന്ത്രാലയമാണ് വാക്സിന് പരീക്ഷണ അനുമതി ലഭിച്ച വിവരം പുറത്ത് വിട്ടത്.
ഡിപ്പാര്ട്ട്മെന്റ് ഓഫ് ബയോടെക്നോളജിയും ബയോടെക്നോളജി ഇന്ഡസ്ട്രി റിസര്ച്ച് അസിസ്റ്റന്സ് കൗണ്സിലുമായും സഹകരിച്ചാണ് ഭാരത് ബയോടെക്ക് നേസല് വാക്സിന് വികസിപ്പിച്ചത്. നാസല് വാക്സിന്റെ ഒന്നാം ഘട്ട പരീക്ഷണം 18 മുതൽ 60 വയസ്സ് വരെ പ്രായമുള്ളവര്ക്കാണ് നടന്നത്. ഒന്നാം ഘട്ട പരീക്ഷണത്തില് വാക്സിന് കോവിഡ് പ്രതിരോധത്തില് മികച്ച ഫലം കണ്ടെത്തിയിരുന്നു. നാസല് വാക്സിന് സുരക്ഷിതമാണെന്നും കമ്പനി അവകാശപ്പെടുന്നുണ്ട്.
