കൊല്ലം: മരണാനന്തര ചടങ്ങുകള്‍, വിവാഹനിശ്ചയം, കല്യാണം എന്നീ ചടങ്ങുകളില്‍ രോഗവ്യാപനത്തിന് സാധ്യതയുണ്ടെന്ന് ജില്ലാ മെഡിക്കല്‍ ഓഫീസര്‍ ഡോ ആര്‍ ശ്രീലത. ശരിയായ രീതിയില്‍ മാസ്ക് ധരിക്കുക, രണ്ടു മീറ്റര്‍ സാമൂഹ്യ അകലം പാലിക്കുക, ഇടയ്ക്കിടെ കൈകള്‍ ഹാന്‍ഡ് വാഷോ സോപ്പോ ഉപയോഗിച്ചു 20 സെക്കന്‍ഡ് നേരമെങ്കിലും വെള്ളത്തില്‍ വൃത്തിയായി കഴുകുക എന്നിവയൊക്കെ കൃത്യമായി ചെയ്യണമെന്നും അവര്‍ പറഞ്ഞു.
സമ്പര്‍ക്കത്തിലൂടെയുള്ള രോഗവ്യാപന തോത് ഉയരുകയാണ്. ജില്ലയില്‍ റിപ്പോര്‍ട്ട് ചെയ്യപ്പെട്ട പോസിറ്റീവ് കേസുകളെല്ലാം തന്നെ വിവിധ ചടങ്ങുകളില്‍ പങ്കെടുത്തവരില്‍ നിന്നും സമ്പര്‍ക്കത്തിലൂടെ പിടിപെട്ടതാണ് എന്നാണ് പുറത്തു വരുന്ന റിപ്പോര്‍ട്ടുകള്‍.
