തിരുവനന്തപുരം: ആറ്റിങ്ങലില്‍ കൊവിഡ് നിരീക്ഷണത്തില്‍ കഴിഞ്ഞിരുന്ന ആള്‍ തീകൊളുത്തി മരിച്ചു. ആറ്റിങ്ങല്‍ മണമ്പൂര്‍ സ്വദേശി സുനില്‍ ആണ് മരിച്ചത്. ഇന്ന് ഉച്ചക്ക് ശേഷമായിരുന്നു സംഭവം. കുടുംബപ്രശ്‌നങ്ങളെ തുടര്‍ന്നാണ് ആത്മഹത്യയെന്നാണ് സൂചന. കുറച്ചു മാസങ്ങള്‍ക്ക് മുമ്പാണ് സുനില്‍ വിവാഹമോചിതനായത്. ദുബായില്‍ നിന്ന് എത്തി വീട്ടില്‍ നിരീക്ഷണത്തില്‍ കഴിഞ്ഞിരുന്ന ഇയാള്‍ പെട്രോള്‍ വാങ്ങി ഭാര്യ വീടിന് സമീപമെത്തിയാണ് തീകൊളുത്തിയത്.
