ചൈന: 763 ദശലക്ഷത്തിലധികം ആളുകളെ ബാധിക്കുകയും ആഗോളതലത്തില്‍ 6.9 ദശലക്ഷത്തിലധികം ജീവന്‍ അപഹരിക്കുകയും ചെയ്ത മാരകമായ കോവിഡ് ഈ വൈറസ് എവിടെനിന്നു വന്നു എന്ന ചോദ്യത്തിന് ഇന്നും ഉത്തരം കിട്ടിയിട്ടില്ല. എന്നാല്‍ അതൊരിക്കലും പുറത്തുവരാനും പോകുന്നില്ല എന്നാണ് ചൈനീസ് ശാസ്ത്രജ്ഞന്‍ ഡോ. ജോര്‍ജ് ഫു ഗാവോ തുറന്നുപറഞ്ഞിരിക്കുന്നത്. കോവിഡ് മഹാമാരിയുടെ ഉറവിടം സംബന്ധിച്ചുള്ള ചര്‍ച്ചകള്‍ വളരെ സൂക്ഷ്മതയോടെ കൈകാര്യം ചെയ്യേണ്ടതാണെന്നും അത് രാഷ്ട്രീയവത്കരിക്കപ്പെട്ടെന്നും ജോര്‍ജ് ഫു ഗാവോ പറഞ്ഞു
വുഹാനിലെ വെറ്റ് മാര്‍ക്കറ്റിലെ റാക്കൂണ്‍ നായ്ക്കളുമായി കോവിഡ് ഉത്ഭവത്തിന് ബന്ധമുണ്ടെന്ന് കാണിക്കുന്ന സമീപകാല പഠനത്തെയും അദ്ദേഹം നിരാകരിച്ചു. മൃഗങ്ങളില്‍ നിന്നാണ് വൈറസ് ഉത്ഭവിച്ചതെന്നതിന് തെളിവുകളൊന്നുമില്ലെന്ന് ഗാവോ പറഞ്ഞു.
