കൊല്ലം : കൊല്ലത്തെ സ്വകാര്യ ആശുപത്രിയില് കൊവിഡ് രോഗി തൂങ്ങിമരിച്ചു. തങ്കശ്ശേരി സ്വദേശി സെഡ്രിക്കാണ് മരിച്ചത്. 70 വയസ്സായിരുന്നു. ഭാര്യയ്ക്കും ഇയാള്ക്കും കൊവിഡ് പോസിറ്റീവ് ആയതിനെ തുടര്ന്ന് കഴിഞ്ഞ 17 ദിവസമായി ആശുപത്രിയില് ചികിത്സയിലായിരുന്നു. കഴിഞ്ഞ ദിവസം ഭാര്യയ്ക്ക് അസുഖം വഷളായതോടെ മറ്റൊരു ആശുപത്രിയിലേക്ക് മാറ്റിയിരുന്നു. ഇതേത്തുടര്ന്ന് സെഡ്രിക്ക് മാനസിക സമ്മര്ദ്ദത്തിലായിരുന്നു എന്നാണ് പറയുന്നത്. ഇതില് മനംനൊന്താണ് ജീവനൊടുക്കിയതെന്നാണ് നിഗമനം. അതേസമയം ആശുപത്രി അധികൃതരുടെ ഭാഗത്ത് നിന്നുമുണ്ടായ വീഴ്ചയാണെന്ന ആരോപണവും ഉയരുന്നുണ്ട്.
