പത്തനംതിട്ട : കോവിഡ് പ്രതിരോധ പ്രവര്ത്തനത്തിന് ഉപയോഗിക്കുന്നതിനായി നാല് ആംബുലന്സുകള് ഏറ്റെടുത്ത് ജില്ലാ കളക്ടറും ജില്ലാ ദുരന്തനിവാരണ അതോറിറ്റി ചെയര്മാനുമായ പി.ബി നൂഹ് ഉത്തരവായി. ദുരന്തനിവാരണ നിയമം സെക്ഷന് 65(3) പ്രകാരം ഏറ്റെടുത്ത ആംബുലന്സുകളില് മൂന്നെണ്ണം കോഴഞ്ചേരി തഹസീല്ദാര്ക്കും ഒരെണ്ണം കോന്നി തഹസീല്ദാര്ക്കും കൈമാറി. ആംബുലന്സുകളുടെ സേവനം 24 മണിക്കൂറും ലഭ്യമാകുന്ന രീതിയില് ആവശ്യമായ ക്രമീകരണങ്ങള് തഹസീല്ദാര്മാര് ഏര്പ്പെടുത്തണമെന്നും താലൂക്കിന്റെ പരിധിയിലുള്ള പ്രവര്ത്തനങ്ങള്ക്ക് മാത്രമായി ആംബുലന്സുകള് ഉപയോഗിക്കണമെന്നും ഉത്തരവില് പറയുന്നു.
