ന്യൂയോര്‍ക്ക്: ലോകത്ത് കൊറോണ വൈറസ് ബാധിതരുടെ എണ്ണം 3.51 കോടി കടന്നു. ആകെ രോഗബാധിതരുടെ എണ്ണം 3,51,27,596 ആയി. ഇതില്‍ 2,61,21,777 പേര്‍ രോഗമുക്തി നേടി.
10,37,941 മരണങ്ങളാണ് ലോകത്ത് ആകെ റിപ്പോര്‍ട്ട് ചെയ്തത്. രോഗവ്യാപനം രൂക്ഷമായ അമേരിക്കയില്‍ ആകെ രോഗികളുടെ എണ്ണം 76 ലക്ഷം കടന്നു. 76,00,846 പേര്‍ക്കാണ് അമേരിക്കയില്‍ ഇതുവരെ രോഗം സ്ഥിരീകരിച്ചത്. 2,14,277 മരണങ്ങളാണ് രാജ്യത്ത് ആകെ റിപ്പോര്‍ട്ട് ചെയ്തത്.
ഇന്ത്യയില്‍ 64,73,545 പേര്‍ക്കാണ് ഇതുവരെ രോഗം ബാധിച്ചത്. 1,00,842 പേരാണ് രോഗം ബാധിച്ചു മരിച്ചത്. രോഗികളുടെ എണ്ണത്തില്‍ മൂന്നാം സ്ഥാനത്തുള്ള ബ്രസീലില്‍ ആകെ രോഗബാധിതരുടെ എണ്ണം 49 ലക്ഷം കടന്നു. 49,06,833 പേര്‍ക്കാണ് രാജ്യത്ത് ഇതുവരെ കൊറോണ സ്ഥിരീകരിച്ചത്. 1,46,011 പേര്‍ക്കാണ് കൊറോണയെ തുടര്‍ന്ന് ബ്രസീലില്‍ ഇതുവരെ ജീവന്‍ നഷ്ടമായത്.
റഷ്യയിലും രോഗവ്യാപനതോത് വര്‍ദ്ധിക്കുന്നുണ്ട്. 12,04,502 പേര്‍ക്കാണ് ഇതുവരെ കൊറോണ സ്ഥിരീകരിച്ചത്. 21,251 മരണങ്ങളാണ് ആകെ രാജ്യത്ത് റിപ്പോര്‍ട്ട് ചെയ്തത്. കൊളംബിയ 8,48,147, പെറു 8,24,985, സ്പെയിന്‍ 8,10,807, മെക്‌സിക്കോ 7,57,953 എന്നിങ്ങനെയാണ് മറ്റ് രാജ്യങ്ങളിലെ രോഗബാധിതരുടെ എണ്ണം.
