തിരുവനന്തപുരം : കേരളത്തിന് ഇന്ന് 1167പേര്ക്ക് കോവിഡ് സ്ഥിരീകരിച്ചു. 888 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് ഉറവിടം അറിയാത്ത 55 കേസുകളുണ്ട്. 122 പേര് വിദേശത്തുനിന്ന് വന്നതാണ്. മറ്റു സംസ്ഥാനങ്ങളില് നിന്ന് വന്നവര് 96 പേര്. 36 ആരോഗ്യപ്രവര്ത്തകര്ക്കും രോഗം ബാധിച്ചു. 4 മരണവും റിപ്പോര്ട്ട് ചെയ്തു. എറണാകുളം സ്വദേശി അബൂബക്കര്(72) , കാസര്കോട് സ്വദേശി അബ്ദു റഹ്മാന്(70), ആലപ്പുഴയിലെ സൈനുദ്ദീന്(67), തിരുവനന്തപുരത്ത് സെല്വമണി(65) എന്നിവരാണ് മരിച്ചത്.
ഇന്ന് രോഗം സ്ഥിരീകരിച്ചവര് – തിരുവനന്തപുരം 227, കോട്ടയം 118, മലപ്പുറം 112, തൃശൂര് 109, കൊല്ലം 95, പാലക്കാട് 86, ആലപ്പുഴ 84, എറണാകുളം 70, കോഴിക്കോട് 67, പത്തനംതിട്ട 63, വയനാട് 53, കണ്ണൂര് 43, കാസര്കോട് 38, ഇടുക്കി 7 എന്നിങ്ങനെയാണ്.
ഇന്ന് രോഗമുക്തി നേടിയവര് – തിരുവനന്തപുരം 170, കൊല്ലം 70, പത്തനംതിട്ട 28, ആലപ്പുഴ 80, കോട്ടയം 20, ഇടുക്കി 27, എറണാകുളം 83, തൃശ്ശൂര് 45, പാലക്കാട് 40, മലപ്പുറം 34, കോഴിക്കോട് 13, വയനാട് 18, കണ്ണൂര് 15, കാസര്കോട് 36 എന്നിങ്ങനെയാണ്.
കഴിഞ്ഞ 24 മണിക്കൂറില് 19140 സാമ്പിളുകളാണ് പരിശോധിച്ചത്. ഇപ്പോള് ചികിത്സയില് ഉള്ളത് 10091 പേരാണ്. 1167 പേരെ ഇന്ന് ആശുപത്രിയിലാക്കി. ഇതുവരെ രോഗം സ്ഥിരീകരിച്ചവരുടെ എണ്ണം 20,896 ആയി. ആകെ 3,62,210 സാമ്പിളുകളാണ് പരിശോധനയ്ക്ക് അയച്ചത്. ഇതില് 6596 സാമ്പിളുകളുടെ ഫലം വരാനുണ്ട്. 1,50,616 പേരാണ് നിരീക്ഷണത്തിലുള്ളത്. കൂടാതെ സെന്റിനല് സര്വൈലന്സ് വഴി, 1,16,418 സാമ്പിളുകള് ശേഖരിച്ചു. ഇതില് 113713 സാമ്പിളുകള് നെഗറ്റീവായി. ഹോട്ട് സ്പോട്ടുകള് 486 ആണ്.
