ലണ്ടന്: കോവിഡ് വാക്സിന് ഒരു ഡോസിന് 25-37 ഡോളറിന് ഇടയിലുള്ള വില ഈടാക്കുമെന്ന് വാക്സിന് നിര്മാതാക്കളായ മൊഡേണ. ലഭിക്കുന്ന ഓര്ഡറിന് അനുസരിച്ചാണ് വില നിശ്ചയിക്കുകയെന്നും മൊഡേണ സിഇഒ സ്റ്റീഫന് ബാന്സല് വ്യക്തമാക്കി. ഇന്ത്യയില് ഇതിന് 2750 രൂപ വരെ വില വരാം.
പനിക്ക് നല്കുന്ന വാക്സിന് 10-50 ഡോളറിന് ഇടയിലാണ് ഈടാക്കുന്നത്. സമാനമായ നിലയില് കുറഞ്ഞ് വിലയ്ക്ക് കോവിഡ് വാക്സിന് വിപണിയില് എത്തിക്കാനാണ് ലക്ഷ്യമിടുന്നതെന്ന് കമ്പനി സിഇഒ അറിയിച്ചു. ഒരു ഡോസിന് 25 ഡോളര് നിരക്കില് വാക്സിന് വിതരണം ചെയ്യുന്നതുമായി ബന്ധപ്പെട്ട് യൂറോപ്യന് യൂണിയനുമായി ചര്ച്ച നടത്തിവരികയാണെന്നും മൊഡേണ വ്യക്തമാക്കി. പക്ഷേ ഇതുവരെ കാരാറുകളില് ഒന്നും ഒപ്പിട്ടിട്ടില്ലെന്നും എന്നാല് യൂറോപ്പിലേക്ക് വാക്സിന് എത്തിക്കാന് തങ്ങള് ആഗ്രഹിക്കുന്നതായും ഇതിനായി ക്രിയാത്മക ചര്ച്ചകള് നടത്തിവരികയാണെന്നും മൊഡേണ വ്യക്തമാക്കി.
കോവിഡിനെ വാക്സിന് 94.5% ഫലപ്രദമാണെന്ന് മൊഡേണ അവകാശപ്പെടുന്നു. ഫൈസറിന് ശേഷം കോവിഡ് വാക്സിന് വികസിപ്പിച്ചതായി അവകാശപ്പെടുന്ന രണ്ടാമത്തെ കമ്പനിയാണ് മൊഡേണ.
