28.8 C
Pathanāmthitta
Tuesday, October 19, 2021 3:37 pm
Advertisment

കോവിഡ് മൂന്നാം തരംഗത്തിലേക്ക് ഇന്ത്യയെ നയിക്കാവുന്ന നാല് കാരണങ്ങള്‍ ഇവ

ന്യൂഡല്‍ഹി : കോവിഡ് മൂന്നാം തരംഗം ഓഗസ്റ്റ് മാസം അവസാനത്തോടെ ഇന്ത്യയില്‍ എത്താമെന്ന് ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ച് (ഐ.സി.എം.ആര്‍). എന്നാല്‍ രണ്ടാം തരംഗത്തിന്റെ അത്ര കടുത്തതാകില്ല മൂന്നാം തരംഗമെന്നാണ് ഐ.സി.എം.ആറിന്റെ നിഗമനം.

നാല് കാരണങ്ങളാണ് ഇന്ത്യയെ കോവിഡ് മൂന്നാം തരംഗത്തിലേക്ക് നയിക്കാന്‍ സാധ്യതയെന്ന് ഐ.സി.എം.ആറിലെ സാംക്രമിക രോഗ, പകര്‍ച്ചവ്യാധി വിഭാഗം മേധാവി ഡോക്ടര്‍ സമീരന്‍ പാണ്ഡ പറയുന്നു. ഇതില്‍ ആദ്യത്തേത് ആദ്യ രണ്ട് തരംഗങ്ങളില്‍ ജനങ്ങള്‍ കൈവരിച്ച പ്രതിരോധശേഷിയില്‍ ഇടിവ് സംഭവിക്കാനുള്ള സാധ്യതയാണ്. പ്രതിരോധശേഷി വല്ലാതെ താഴ്ന്നു പോയാല്‍ മൂന്നാം തരംഗത്തിലേക്ക് സ്വാഭാവികമായും രാജ്യം നയിക്കപ്പെടും.

രണ്ടാമത്തെ സാധ്യത ജനങ്ങല്‍ കൈവരിച്ച പ്രതിരോധശേഷിയെ വെട്ടിച്ചു കടക്കാവുന്ന ഒരു കോവിഡ് വകഭേദമാണ്. ഡെല്‍റ്റ വകഭേദമായിരുന്നു ഇന്ത്യയിന്ല്‍ രണ്ടാം തരംഗത്തിന് കാരണമായത്. കോവിഡ് കേസുകള്‍ ഉയരുന്നത് ഡെല്‍റ്റയ്ക്ക് വീണ്ടും വ്യതിയാനം സംഭവിക്കാനുള്ള അവസരമുണ്ടാകും. ഇനി അഥവാ ഈ വകഭേദം പ്രതിരോധശേഷിയെ മറികടന്നില്ലെങ്കിലും വകഭേദത്തിന് ഉണ്ടാകാവുന്ന വര്‍ധിച്ച വ്യാപന ശേഷിയാണ് മൂന്നാം തരംഗത്തിന്റെ ശക്തമായ മറ്റൊരു സാധ്യത.

കോവിഡ് നിയന്ത്രണങ്ങല്‍ വ്യാപനം കുറയും മുന്‍പ് സംസ്ഥാനങ്ങള്‍ പിന്‍വലിക്കുന്നതും കോവിഡ് മൂന്നാം തരംഗത്തിന് കാരണമാകാമെന്ന് ഡോക്ടര്‍ സമീരന്‍ പറഞ്ഞു . അതേസമയം ലോകം മൂന്നാം തരംഗത്തിന്റെ പ്രാരംഭ ഘട്ടത്തിലാണെന്ന് ലോകാരോഗ്യ സംഘടന ഡയറക്ടര്‍ ജനറല്‍ തെദ്രോസ് അദാനം ഗെബ്രയേസുസ് പറയുന്നു. അതിവേഗം പടരുന്ന കോവിഡ് ഡെല്‍റ്റ വകഭേദമാണ് ഇതിന് പിന്നിലെന്നും ലോകാരോഗ്യസംഘടന മേധാവി ചൂണ്ടിക്കാട്ടി.

- Advertisment -
Advertisment
Advertisment

LEAVE A REPLY

Please enter your comment!
Please enter your name here

- Advertisment -
- Advertisment -

Most Popular