തിരുവനന്തപുരം: രണ്ട് ലക്ഷം ഡോസ് കോവാക്‌സിന്‍ സംസ്ഥാനത്ത് ഇന്ന് എത്തും. ഇതോടെ സംസ്ഥാനത്തെ കൊവിഡ് വാക്‌സിന്‍ ക്ഷാമത്തിന് താത്കാലിക പരിഹാരമാകും. ഇന്ന് സംസ്ഥാനത്തെത്തുന്നത് ഭാരത് ബയോടെക്കിന്റെ കോവാക്‌സിനാണ്. മരുന്നുകള്‍ മൂന്ന് മേഖലകളിലായാണ് എത്തിക്കുന്നത്.
68,000 ഡോസ് തിരുവനന്തപുരം മേഖലകളിലും 78,000 ഡോസ് എറണാകുളം മേഖലയിലും 54,000 ഡോസ് കോഴിക്കോട് മേഖലയിലും എത്തും. മുഖ്യമന്ത്രി പിണറായി വിജയന്‍ 50 ലക്ഷം ഡോസ് കൊവിഡ് വാക്‌സിന്‍ അടിയന്തിരമായി ലഭ്യമാക്കണമെന്നാവശ്യപ്പെട്ട് കേന്ദ്ര ആരോഗ്യമന്ത്രി ഡോ.ഹര്‍ഷവര്‍ധന് കത്തയച്ചിരുന്നു.
