28.6 C
Pathanāmthitta
Monday, January 24, 2022 4:07 pm
- Advertisment -

കോവിഡ് വാക്‌സിന്‍ എടുത്ത കിടപ്പ് രോഗി എണീറ്റു നടന്നതായി ഡോക്ടര്‍മാര്‍

റാഞ്ചി : കോവിഡ് വാക്‌സിന്‍ എടുത്ത കിടപ്പ് രോഗി എണീറ്റു നടന്നതായി ഡോക്ടര്‍മാര്‍. അഞ്ച് വര്‍ഷം മുമ്പ് ഒരു വാഹനാപകടത്തെ തുടര്‍ന്ന് കിടപ്പിലായ 55 കാരന്‍ കോവിഷീല്‍ഡ് വാക്‌സിന്റെ ആദ്യ ഡോസ് നല്‍കിയ ശേഷം നടക്കുകയും സംസാരിക്കുകയും ചെയ്തതായി ഡോക്ടര്‍മാര്‍. ഉത്തരസര പഞ്ചായത്ത് പ്രദേശത്തെ സല്‍ഗാദിഹ് ഗ്രാമത്തില്‍ താമസിക്കുന്ന മുണ്ട എന്നയാളാണ് എഴുന്നേറ്റ് നടന്നതെന്നും ഡോക്ടര്‍മാര്‍ പറയുന്നു. സംഭവത്തെ കുറിച്ച്‌ വാര്‍ത്ത പ്രചരിച്ചതോടെ മൂന്നംഗ മെഡിക്കല്‍ ടീമിനെ രൂപീകരിച്ച്‌ സര്‍ക്കാര്‍ ഇക്കാര്യം അന്വേഷിക്കണമെന്നും അവര്‍ പറഞ്ഞു.

ജനുവരി നാലിനാണ് ഒരു അംഗന്‍വാടി വര്‍ക്കര്‍ മുണ്ടയ്ക്ക് കോവിഷീല്‍ഡ് വാക്‌സിന്‍ നല്‍കിയത്. തുടര്‍ന്ന് മുണ്ട സംസാരിക്കാനും ചലിക്കാനും തുടങ്ങിയെന്ന് അദ്ദേഹത്തിന്റെ കുടുംബാംഗങ്ങള്‍ പറഞ്ഞതായി പീറ്റര്‍വാര്‍ കമ്മ്യൂണിറ്റി ഹെല്‍ത്ത് സെന്ററിന്റെ ചുമതലയുള്ള ഡോക്ടര്‍ അല്‍ബെല കെര്‍ക്കറ്റ പറഞ്ഞു. സംഭവത്തില്‍ പരിശോധനയ്ക്കായി മൂന്നംഗ മെഡിക്കല്‍ സംഘത്തെ നിയോഗിച്ചിട്ടുണ്ടെന്നും ബൊക്കാറോ സിവില്‍ സര്‍ജന്‍ ഡോ.ജിതേന്ദ്ര കുമാര്‍ വ്യക്തമാക്കി.

- Advertisment -
Advertisment
Advertisment
- Advertisment -
- Advertisment -

Most Popular