മുംബൈ : രാജ്യത്ത് കോവിഡ് വാക്സിന്റെ ക്ഷാമമില്ലെന്ന് കേന്ദ്രആരോഗ്യ മന്ത്രി ഹര്ഷ വര്ധന്. കോവിഡ് വാക്സിന് ക്ഷാമമുണ്ടെന്ന് മഹാരാഷ്ട്ര , ആന്ധ്രപ്രദേശ് എന്നീ സംസ്ഥാനങ്ങള് ആശങ്ക അറിയിച്ചതിനെത്തുടര്ന്നാണ് കേന്ദ്രമന്ത്രിയുടെ സ്ഥിരീകരണം. ഓരോ സംസ്ഥാനത്തിനും വേണ്ട വാക്സിന് ലഭിക്കുമെന്നും അദ്ദേഹം ഉറപ്പു നല്കി.
മുംബൈ നഗരത്തിലെ വാക്സിന് സ്റ്റോക്ക് അവസാനിച്ചുകൊണ്ടിരിക്കുയാണെന്നും ഒരുലക്ഷത്തിനടുത്ത് കോവിഷീല്ഡ് വാക്സിന് മാത്രമാണ് ഇനി ശേഷിക്കുന്നതെന്നും മുംബൈ മേയര് കിഷോറി പെഡ്നേക്കര് നഗരവാസികള്ക്ക് മുന്നറിയിപ്പ് നല്കിയതിന് പിന്നാലെയാണ് വാക്സിന്റെ ലഭ്യത സംബന്ധിച്ച സ്ഥിരീകരണം കേന്ദ്രമന്ത്രി നടത്തിയത്.
സംസ്ഥാനങ്ങളുടെ ആശങ്കയോട് പ്രതികരിക്കുകയായിരുന്നു കേന്ദ്രമന്ത്രി ഹര്ഷ വര്ധന്. ഒരു സംസ്ഥാനത്തും വാക്സിന് ക്ഷാമം ഉണ്ടാക്കില്ലെന്ന് ഹര്ഷ വര്ധന് ഉറപ്പു നല്കി. ഒരു സംസ്ഥാനത്തും നിലവില് വാക്സിന് ക്ഷാമം ഇല്ല. അങ്ങനെ ഒരവസ്ഥ സംജാതമാകാന് അനുവദിക്കില്ല. എല്ലാ സംസ്ഥാനങ്ങളോടും ഇക്കാര്യം വ്യക്തമാക്കിയിട്ടുണ്ട്. വാക്സിന് അപര്യാപ്തത ഇല്ല. ആവശ്യത്തിനനുസരിച്ചുള്ള വാക്സിന് വിതരണം തുടരുമെന്നും ഹര്ഷ വര്ധന് പറഞ്ഞു.
