വാഷിംഗ്ടണ് : ലോകത്ത് കൊവിഡ് ബാധിതരുടെ എണ്ണം പന്ത്രണ്ട് കോടി അമ്പത് ലക്ഷം കടന്നു. അഞ്ച് ലക്ഷത്തിലധികം പുതിയ കേസുകളാണ് റിപ്പോര്ട്ട് ചെയ്തത്. 27.55 ലക്ഷം പേരാണ് വൈറസ് ബാധ മൂലം മരണമടഞ്ഞത്. രണ്ട് കോടിയിലധികം പേരാണ് നിലവില് ചികിത്സയിലുള്ളത്.
ബ്രസീലില് രോഗവ്യാപനം രൂക്ഷമായി തുടരുകയാണ്. വേള്ഡോമീറ്ററിന്റെ കണക്കുപ്രകാരം 90,000ത്തിലധികം പേര്ക്കാണ് ഇന്നലെ വൈറസ് ബാധ സ്ഥിരീകരിച്ചത്. ഇതോടെ രോഗബാധിതരുടെ എണ്ണം ഒരു കോടി ഇരുപത്തിരണ്ട് ലക്ഷം പിന്നിട്ടു.
യുഎസില് മൂന്ന് കോടിയിലധികം രോഗബാധിതരുണ്ട്. അരലക്ഷത്തിലധികം പുതിയ കേസുകള് രജിസ്റ്റര് ചെയ്തു. മരണസംഖ്യ 5.58 ലക്ഷമായി ഉയര്ന്നു.എഴുപത് ലക്ഷത്തിലധികം പേര് ചികിത്സയിലുണ്ട്. ഇന്ത്യയില് ഒരു കോടി പതിനേഴ് ലക്ഷം രോഗബാധിതരാണുള്ളത്. നാല്പതിനായിരത്തിലധികം പേര്ക്കാണ് ഇന്നലെ കൊവിഡ് സ്ഥിരീകരിച്ചത്. നിലവില് 3,68,457 പേരാണ് ചികിത്സയിലുള്ളത്. ഇതുവരെ കൊവിഡ് ബാധിച്ച് 1,60,441 പേര് രാജ്യത്ത് മരണപ്പെട്ടു.
