വാഷിംഗ്ടണ് : ലോകത്ത് കൊവിഡ് ബാധിച്ചവരുടെ എണ്ണം രണ്ട് കോടി നാല്പ്പത് ലക്ഷം കടന്നു. കൊവിഡ് ബാധിച്ച് മരിച്ചവരുടെ എണ്ണം എട്ട് ലക്ഷത്തി ഇരുപത്തി രണ്ടായിരം കടന്നു. ഒരു കോടി അറുപത്തിയഞ്ച് ലക്ഷം പേരാണ് ഇതിനോടകം രോഗമുക്തി നേടിയത്.
അമേരിക്കയില് മുപ്പത്തിയാറായിരം പേര്ക്കാണ് പുതുതായി രോഗം സ്ഥിരീകരിച്ചത്. ആകെ രോഗികളുടെ എണ്ണം അന്പത്തിയൊന്പത് ലക്ഷത്തി അമ്ബത്തി രണ്ടായിരവും മരണം ഒരു ലക്ഷത്തി എണ്പത്തിരണ്ടായിരവും കടന്നു. റഷ്യയില് നാലായിരത്തോളം പേര്ക്കും കൊളംമ്പിയയില് പതിനായിരത്തില് ഏറെ പേര്ക്ക് കൂടിയും രോഗം റിപ്പോര്ട്ട് ചെയ്തു.
ബ്രസീലിലും രോഗവ്യാപനം രൂക്ഷമാവുകയാണ്. 3,674,176 പേര്ക്കാണ് ഇതുവരെ കൊവിഡ് സ്ഥിരീകരിച്ചത്.ഇന്നലെ മാത്രം 1215 പേരാണ് രാജ്യത്ത് മരണമടഞ്ഞത്. ഇതോടെ ആകെ മരണസംഖ്യ 116,666 ആയി. 2,848,395 പേര് രോഗമുക്തി നേടി.
ഇന്ത്യയില് കൊവിഡ് ബാധിതരുടെ എണ്ണം 32 ലക്ഷത്തോട് അടുക്കുകയാണ്. രാജ്യത്ത് ആകെ രോഗമുക്തി നേടിയവരുടെ എണ്ണം 24 ലക്ഷം പിന്നിട്ടു. ഇന്നലെ 66,550 പേരാണ് രാജ്യത്ത് രോഗമുക്തരായത്. ഒരു ദിവസത്തെ ഏറ്റവുമുയര്ന്ന രോഗമുക്തിനിരക്കാണിത്.