വാഷിംഗ്ടണ്‍ : ലോകത്ത് കോവിഡ് ബാധിതരുടെ എണ്ണം 2.46 കോടി കടന്നു. വേള്‍ഡോ മീറ്ററിന്റെ കണക്കനുസരിച്ച്‌ ഇതുവരെ 2.46 കോടി പേര്‍ക്ക് കൊവിഡ് ബാധിച്ചു. രോഗം ബാധിച്ച്‌ 8.35 ലക്ഷം ആളുകള്‍ മരിക്കുകയും ചെയ്തു. അതേസമയം 1.7 കോടി പേര്‍ രോഗമുക്തരായതായി കണക്കുകള്‍ വ്യക്തമാക്കുന്നു.
ലോകത്ത് കോവിഡ് വ്യാപനം ഏറ്റവും രൂക്ഷമായ അമേരിക്കയില്‍ രോഗബാധിതരുടെ എണ്ണം 60,46,634 ആയി. ആകെ കോവിഡ് മരണങ്ങള്‍ അമേരിക്കയില്‍ 1,84,796 ആയിട്ടുണ്ട്. പട്ടികയില്‍ രണ്ടാം സ്ഥാനത്താണ് ബ്രസീല്‍.രാജ്യത്ത് കൊവിഡ് ബാധിതരുടെ എണ്ണം 3,764,493 ആയി ഉയര്‍ന്നു.118,726 പേരാണ് വൈറസ് ബാധമൂലം മരണമടഞ്ഞത്. 2,947,250പേര്‍ രോഗമുക്തി നേടി.
ഇന്ത്യയിലെ കൊവിഡ് ബാധിതരുടെ എണ്ണം മുപ്പത്തി നാലു ലക്ഷത്തിലേക്കടുത്തു. പ്രതിദിന വര്‍ധന ഇന്നലെയും അറുപതിനായിരത്തിന് മുകളിലെന്നാണ് സംസ്ഥാനങ്ങള്‍ പുറത്തുവിട്ട കണക്കുകള്‍ സൂചിപ്പിക്കുന്നത്. മഹാരാഷ്ട്രയിലും ആന്ധ്രയിലും ഉയര്‍ന്ന പ്രതിദിന വര്‍ധന തുടരുകയാണ്. മഹാരാഷ്ട്രയ 14,718 , ആന്ധ്ര 10621, തമിഴ് നാട് 5870, കര്‍ണാടക 9386, പശ്ചിമ ബംഗാള്‍ 2997, എന്നിങ്ങനെയാണ് രോഗികളുടെ എണ്ണം കൂടുതലുള്ള സംസ്ഥാനങ്ങളിലെ പ്രതിദിന വര്‍ധന.
