മല്ലപ്പള്ളി : കവിയൂർ പുഞ്ചയിൽ എക്സൈസ് , പോലീസ് അധികൃതർ ചേർന്ന് നടത്തിയ പരിശോധനയിൽ 70 ലിറ്റർ കോട കണ്ടെത്തി. കീഴ്വായ്പൂര് എസ്.ഐ. കാവിരാജൻ, മല്ലപ്പള്ളി എക്സൈസ് ഇൻസ്പെക്ടർ ഡി.ദിലീപ് കുമാർ എന്നിവരുടെ നേതൃത്വത്തിലാണ് ആഞ്ഞിലിത്താനം, പുളിന്താനം, പരുത്തിക്കാട് എന്നിവിടങ്ങളിൽ പരിശോധന നടത്തിയത്. മല്ലപ്പള്ളി റേഞ്ച് എക്സൈസ് ഇൻസ്പെക്ടർ ഡി.ദിലീപ് കുമാറിന്റെ നേതൃത്വത്തിൽ നടത്തിയ പരിശോധനയിൽ ഗ്രേഡ് പ്രിവന്റീവ് ഓഫീസർ വേണുഗോപാൽ, സിവിൽ എക്സൈസ് ഓഫീസർമാരായ പ്രവീൺ മോഹൻ, റഫീക്ക്, വനിതാ സിവിൽ എക്സൈസ് ഓഫീസർമാരായ ഗീതു, ജിജി ബാബു, ഡ്രൈവർ രാമചന്ദ്രമാരാർ എന്നിവർ പങ്കെടുത്തു
