തൃശൂര്: സിപിഐഎം പണം ഓഫര് ചെയ്തെന്ന് പറഞ്ഞത് തമാശയാണെന്ന് ജാഫര് പറയുന്നുണ്ടെങ്കിലും ഈ സാഹചര്യത്തില് അതിനെ തമാശയായി കാണാനാവില്ലെന്ന് കോൺഗ്രസ് വരവൂർ മണ്ഡലം പ്രസിഡൻ്റ് എ എ മുസ്തഫ റിപ്പോര്ട്ടറിനോട്. വടക്കാഞ്ചേരിയില് മുസ്ലിം ലീഗ് സ്വതന്ത്രന് 50 ലക്ഷം രൂപ വാങ്ങി കൂറുമാറിയ സംഭവത്തിലാണ് എ എ മുസ്തഫയുടെ പ്രതികരണം. തെരഞ്ഞെടുപ്പിന്റെ തലേദിവസം ജാഫറിനെ വിളിച്ചിരുന്നു. നാളത്തെ കാര്യങ്ങള് എങ്ങനെയാണെന്ന് ചോദിച്ചപ്പോള് ഒരു ട്വിസ്റ്റ് സംഭവിക്കുമെന്ന് ജാഫര് പറഞ്ഞുവെന്നും എ എ മുസ്തഫ പറഞ്ഞു.
78ഓളം വരുന്ന വാര്ഡുകളിലെ ജനങ്ങള് സിപിഐഎമ്മിന്റെ ഭരണം മാറണമെന്ന് ആഗ്രഹിച്ചാണ് യുഡിഎഫിന് വോട്ട് ചെയ്തതെന്നും മുസ്തഫ പറഞ്ഞു. ഒരിക്കലും നടക്കാന് പാടില്ലാത്ത കാര്യമാണ് സംഭവിച്ചത്. അന്ന് ഇക്കാര്യങ്ങള് തന്നോട് പറഞ്ഞെങ്കിലും വിശ്വസിക്കാനായിരുന്നില്ല. ജാഫറിന്റെ ഭാഗത്ത് നിന്ന് ഇത്തരത്തിലൊരു ചതി ഒരിക്കലും പ്രതീക്ഷിച്ചിരുന്നില്ല. ജാഫര് പറഞ്ഞത് പോലെ തന്നെ ചെയ്തു എന്നും മുസ്തഫ പറഞ്ഞു.
