തിരുവനന്തപുരം: സി.പി.എം പ്രവര്ത്തകയും ആശ വര്ക്കറുമായ യുവതിയെ പാര്ട്ടി ഓഫീസില് തൂങ്ങി മരിച്ച നിലയില് കണ്ടെത്തി. അഴകിക്കോണം മേക്കെ ഭാഗത്ത് പുത്തന്വീട്ടില് ശ്രീകുമാറിന്റെ ഭാര്യ ആശ (41) ആണ് മരിച്ചത്. കഴിഞ്ഞ പതിനഞ്ച് വര്ഷമായി പാര്ട്ടി അംഗമായി പ്രവര്ത്തിച്ച് വരുന്ന ഇവര് ഇന്നലെ പാറശാല പാര്ട്ടി ഓഫീസില് നടന്ന കമ്മിറ്റിയില് പങ്കെടുത്തിരുന്നു.
അഴകിക്കോണത്ത് പാര്ട്ടി ഓഫീസിനു വേണ്ടി വാങ്ങി ഇട്ടിരുന്ന കെട്ടിടത്തിനുള്ളിലാണ് ആശയെ മരിച്ച നിലയില് കണ്ടെത്തിയത്. രാത്രിയോടെ ആശയെ കാണാതായതിനെ തുടര്ന്ന് ബന്ധുക്കള് നടത്തിയ അന്വേഷണത്തിനൊടുവിലാണ് ആശയെ തൂങ്ങിമരിച്ച നിലയില് കണ്ടെത്തിയത്. പാര്ട്ടി കമ്മിറ്റിയില് നിന്നും ഉണ്ടായ മനോവിഷമമാണ് മരണകാരണമെന്ന് ബന്ധുക്കള് ആരോപിക്കുന്നു. അരുണ് കൃഷ്ണ ,ശ്രീകാന്ത് എന്നിവര് മക്കളാണ്. മൃതദേഹം തിരുവനന്തപുരം മെഡിക്കല് കോളേജില് സൂക്ഷിച്ചിരിക്കുകയാണ്.
