തിരുവനന്തപുരം: തിരുവനന്തപുരം കാട്ടാക്കട കോളേജിലെ എസ് എഫ് ഐ ആള്മാറാട്ടത്തില് സിപിഎം അന്വേഷണം. തിരുവനന്തപുരം ജില്ലാ സെക്രട്ടേറിയറ്റിന്റെ തീരുമാനത്തിന്റെ അടിസ്ഥാനത്തില് ഡികെ മുരളി, പുഷ്പലത എന്നിവരുടെ അന്വേഷണ കമ്മീഷന് രൂപീകരിച്ചു. ആള്മാറാട്ടത്തില് സിപിഎം നേതാക്കള്ക്ക് പങ്കുണ്ടോ എന്നതടക്കം പരിശോധിക്കും. തട്ടിപ്പില് പങ്കില്ലെന്നും സംഭവം അന്വേഷിക്കണമെന്നും ആവശ്യപ്പെട്ട് എംഎല്എമാരായ ഐബി സതീഷും ജി സ്റ്റീഫനും സിപിഎമ്മിന് കത്ത് നല്കിയിരുന്നു. അതേസമയം സംഭവത്തില് പ്രിന്സിപ്പലിനും എസ്എഫ്ഐ നേതാവ് വിശാഖിനുമെതിരെ പോലീസ് കേസെടുത്തു.
ആള്മാറാട്ടം, വ്യാജ രേഖ ചമക്കല്, വിശ്വാസ വഞ്ചന എന്നിയ്ക്കാണ് പ്രിന്സിപ്പല് ജി ജെ ഷൈജു, വിദ്യാര്ത്ഥി വിശാഖ് എന്നിവര്ക്കെതിരെ കാട്ടാക്കട പോലീസ് കേസെടുത്തത്. സര്വ്വകലാശാല നല്കിയ പരാതിയിന്മേലാണ് നടപടി. കോളജ് പ്രിന്സിപ്പല് ജി ജെ ഷൈജുവിനെ ഒന്നാം പ്രതിയാക്കിയാണ് കേസ്. എസ്എഫ്ഐ നേതാവ് വിശാഖ് ആണ് രണ്ടാം പ്രതി.
