കൊല്ലം : കുണ്ടറ, കരുനാഗപ്പളളി തിരഞ്ഞെടുപ്പ് തോല്വിയില് സിപിഎം നടപടി. ജില്ലാ സെക്രട്ടേറിയറ്റ് അംഗങ്ങളായ എന്.എസ്.പ്രസന്നകുമാറിനെയും പി.ആര്.വസന്തനെയും തരംതാഴ്ത്തി. ജില്ലാ സെക്രട്ടേറിയറ്റ് അംഗം ബി.തുളസീധരകുറുപ്പ് ഉള്പ്പെടെ അഞ്ച് നേതാക്കള്ക്ക് താക്കീത്.നിയമസഭാ തെരഞ്ഞെടുപ്പില്, കുണ്ടറ, കരുനാഗപ്പള്ളി മണ്ഡലങ്ങളില്, എല്.ഡി.എഫിനുണ്ടായ തോല്വിയുമായി ബന്ധപ്പെട്ട് രണ്ട് ജില്ല സെക്രട്ടേറിയേറ്റ് അംഗങ്ങളെ ഏരിയാ കമ്മറ്റിയിലേക്ക് തരം താഴ്ത്താനും ഒരു സെക്രട്ടേറിയേറ്റ് അംഗത്തെയും രണ്ട് ഏരിയാ സെക്രട്ടറിമാരെയും ഒരു ജില്ല കമ്മറ്റി അംഗത്തെയും താക്കീത് ചെയ്യാനും സി.പി.എം തീരുമാനിച്ചു.
സെക്രട്ടേറിയേറ്റംഗവും കുണ്ടറയില് തോറ്റ മുന് മന്ത്രി ജെ.മേഴ്സിക്കുട്ടിയമ്മയുടെ ഭര്ത്താവുമായ ബി.തുളസീധരക്കുറുപ്പ് , കുണ്ടറ ഏരിയാ സെക്രട്ടറി എസ്.എല്.സജികുമാര് കുനാഗപ്പള്ളി ഏരിയാ സെക്രട്ടറി പി.കെ.ബാലചന്ദ്രന് ,ജില്ല കമ്മറ്റിയംഗം ആര്.ബിജു എന്നിവര്ക്കാണ് താക്കീത്. ശൂരനാട് ഏരിയാ സെക്രട്ടറി പി.ബി.സത്യദേവനെയാണ് നടപടിയില് നിന്നൊഴിവാക്കിയത്.കുണ്ടറയില് മുന് മന്ത്രി ജെ.മേഴ്സിക്കുട്ടിയമ്മയും കരുനാഗപ്പള്ളിയില് സി.പി.ഐ ലെ സിറ്റിംഗ് എം.എല്.എ ആയിരുന്ന ആര്.രാമചന്ദ്രനുമാണ് തോറ്റത്.
