കണ്ണൂര്‍ : സിപിഎം കണ്ണാടിപ്പറമ്പ് ലോക്കല്‍ കമ്മിറ്റിയംഗത്തെ പാര്‍ട്ടിയില്‍നിന്ന് പുറത്താക്കിയതായി സി പി എം കണ്ണൂര്‍ ജില്ലാ കമ്മിറ്റി ഓഫീസ് അറിയിച്ചു. കെ പി അദിനാനെയാണ് പുറത്താക്കിയത്. പാര്‍ട്ടിയുടെ സല്‍പ്പേരിന് കളങ്കം ഉണ്ടാക്കുന്നവിധം പ്രവര്‍ത്തിച്ചുവെന്നാണ് നടപടിക്കുള്ള വിശദീകരണം. പാര്‍ട്ടിയുടെ സല്‍പ്പേരിന് കളങ്കം വരുത്തിയതിനെ തുടര്‍ന്ന് രണ്ടാഴ്ചക്കിടെ കണ്ണൂരില്‍ പ്രാദേശിക നേതാക്കള്‍ക്കെതിരെ എടുക്കുന്ന രണ്ടാമത്തെ നടപടിയാണിത്. ഏപ്രില്‍ അവസാനത്തോടെ സമാനമായ കാരണം ചൂണ്ടിക്കാട്ടി ഏരിയാ കമ്മിറ്റി അംഗത്തിനെതിരെ നടപടിയെടുത്തിരുന്നു. പേരാവൂര്‍ ഏരിയാ കമ്മിറ്റിയംഗവും കണിച്ചാര്‍ ലോക്കല്‍ സെക്രട്ടറിയുമായ കെ കെ ശ്രീജിത്തിന് എതിരെയാണ് അന്ന് നടപടിയെടുത്തത്.
