കൊച്ചി : സിപിഎം സംസ്ഥാന സമ്മേളനത്തിൽ പോലീസിന് രൂക്ഷവിമർശനം. ചില പൊലീസുകാർ ഇടതുനയത്തിന് വിരുദ്ധമായി പ്രവർത്തിക്കുന്നു എന്നാണ് വിമർശനം ഉയർന്നത്. കണ്ണൂർ ഉൾപ്പടെയുള്ള ജില്ലകളിലെ നേതാക്കളിൽ നിന്ന് ഇത്തരത്തിൽ വിമർശനമുയർന്നു. സംസ്ഥാനത്തെ ക്രമസമാധാന പാലനത്തിൽ പോലീസ് ഉദ്യോസ്ഥരിൽ സീനിയർ ജൂനിയർ ഭേദമന്യേ വീഴ്ചയുണ്ടായി. മുഖ്യമന്ത്രി ശ്രദ്ധിച്ചില്ലെങ്കിൽ പോലീസ് ചീത്ത പേരുണ്ടാക്കും.
പാർട്ടി പ്രവർത്തകർ കൊല്ലപ്പെടുമ്പോൾ പോലീസ് കൊലയാളികൾക്കൊപ്പമാണെന്നും വിമർശനമുയർന്നു. സീതാറാം യെച്ചൂരിക്കെതിരെയും വിമർശനം ഉണ്ടായി. കേരളത്തിലെ സമ്മേളനത്തിൽ കോൺഗ്രസിനെ കുറിച്ച് അദ്ദേഹം മിണ്ടിയില്ല എന്നാണ് കണ്ണൂർ, തിരുവനന്തപുരം ജില്ലകളിൽ നിന്നുള്ള നേതാക്കൾ വിമർശിച്ചത്.
