പത്തനംതിട്ട : കേരളത്തില് ഭരണം നടത്തുന്നത് സി.പി.എമ്മിന്റെ കൊള്ളക്കാരാണെന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പറഞ്ഞു. യു.ഡി.എഫ് തോട്ടപ്പുഴശ്ശേരി മണ്ഡലം കണ്വെന്ഷന് ഉദ്ഘാടനം ചെയ്യുകയായിരുന്നു അദ്ദേഹം. സമസ്ത മേഖലയിലും പരാജയപ്പെട്ട ഗവണ്മെന്റ് ജനങ്ങളുടെ താല്പര്യങ്ങള് സംരക്ഷിക്കുന്നതിനുപകരം സ്വന്തം കുടുംബത്തിനുവേണ്ടി അഴിമതി നടത്തുകയാണ് അദ്ദേഹം പറഞ്ഞു.
യു.ഡി.എഫ് മണ്ഡലം ചെയര്മാന് റ്റി.റ്റി. തോമസിന്റെ അദ്ധ്യക്ഷതയില് ചേര്ന്ന യോഗത്തില് യൂത്ത് കോണ്ഗ്രസ് അഖിലേന്ത്യ സെക്രട്ടറി അബിന് വര്ക്കി മുഖ്യപ്രഭാഷണം നടത്തി. ഘടകകക്ഷി നേതാക്കളായ ജോര്ജ് കുന്നപ്പുഴ, കെ.കെ. റോയിസണ്, അഡ്വ. ഷാം കുരുവിള, കെ. ശിവപ്രസാദ്, റ്റോജി തോമസ്, ജില്ലാ പഞ്ചായത്ത് സ്ഥാനാര്ത്ഥി അനീഷ് വരിക്കണ്ണാമല, ബ്ലോക്ക് പഞ്ചായത്ത് സ്ഥാനാര്ത്ഥികളായ ടി.കെ. രാമചന്ദ്രന് നായര്, ബിജു തോട്ടപ്പുഴശ്ശേരി തുടങ്ങിയവര് പ്രസംഗിച്ചു.
