കൊച്ചി: തൈക്കുടത്ത് എട്ട് വയസുകാരന് സഹോദരീ ഭര്ത്താവിന്റെ ക്രൂരപീഡനം. കടയില് പോയി വരാന് വൈകിയെന്ന് ആരോപിച്ച് ചട്ടുകവും തേപ്പ്പെട്ടിയുമുപയോഗിച്ച് കുട്ടിയുടെ കാലിനടിയില് പൊളളിച്ചു. കുട്ടിയുടെ കാലിനടിയില് തൊലി അടര്ന്ന് ഇളകിയതായി കണ്ടെത്തിയെന്നും സംഭവത്തില് സഹോദരീ ഭര്ത്താവ് പ്രിന്സിനെ(21)അറസ്റ്റ് ചെയ്തതായും മരട് പോലീസ് അറിയിച്ചു.
ഒരു വര്ഷമായി ഇത്തരത്തില് പീഡനം തുടരുകയാണെന്നാണ് പോലീസിന് ലഭിച്ച വിവരം. പ്രിന്സ് സഹോദരിയെ വിവാഹം കഴിച്ചിട്ടില്ലെങ്കിലും കഴിഞ്ഞ ഒരുവര്ഷമായി വീട്ടില് എല്ലാ അധികാരവും ഇയാള്ക്കുണ്ട്. കുട്ടിയുടെ അച്ഛന് തളര്വാതം ബാധിച്ച് കിടപ്പിലായതിനാലും അമ്മയ്ക്ക് പ്രിന്സിനെ ഭയമായതിനാലും ഉപദ്രവം എതിര്ക്കാനായിരുന്നില്ലെന്നും പോലീസ് അറിയിച്ചു. ഇതിനിടെ കുട്ടിയുടെ സഹോദരിക്ക് പ്രായപൂര്ത്തിയായോ എന്ന കാര്യത്തിലും മരട് പോലീസ് സംശയം പ്രകടിപ്പിച്ചു. ഇക്കാര്യവും അന്വേഷിക്കും. ഇവരുടെ മറ്റ് ബന്ധുക്കള് പ്രിന്സിന്റെ ക്രൂരതയെക്കുറിച്ച് അറിഞ്ഞിരുന്നില്ല. തന്നെ പ്രിന്സ് പതിവായി ഉപദ്രവിക്കാറുണ്ടെന്ന് എട്ടുവയസ്സുകാരന് പോലീസിന് മൊഴി നല്കിയിട്ടുണ്ട്.
