ചെങ്ങന്നൂർ: സ്വാതന്ത്ര്യ സമര ചരിത്രം പുതിയ തലമുറ അറിയാതെ പോകരുതെന്നും നമ്മൾ കടന്നുവന്ന വഴികൾ പൂർവ്വീകർ നൽകിയ നേതൃത്വം, അവരുടെ ത്യാഗങ്ങൾ, നിശ്ചയമായും പുതിയ തലമുറ അറിയേണ്ടതാണ്. ഇതുപോലെയുള്ള അനുസ്മരണങ്ങൾ അതിന് വഴി തിരിവായി മാറട്ടെയെന്ന് മന്ത്രി സജി ചെറിയാൻ പറഞ്ഞു. മധ്യതിരുവിതാംകൂറിലെ സ്വാതന്ത്ര്യ സമരത്തിൽ 250 നേതാക്കൾ അറസ്റ്റ് ചെയ്ത് ജയിലിൽ അടയ്ക്കപ്പെട്ടു. അവരെ സ്മരിക്കുന്നു. മിൽസ് മൈതാനത്തെ പോലീസിന്റെ വെടിയെറ്റ് കുടിലിൽ ജോർജ് 24ാം വയസ്സിലാണ് വീരമൃത്യു വരിച്ചത്. സ്വാതന്ത്യ സമരത്തിലെ യുവരക്ത സാക്ഷിയാണ് കുടിലിൽ ജോർജ് എന്ന് മന്ത്രി അനുസ്മരണ സമ്മേളനo ഉദ്ഘാടനം ചെയ്തു പറഞ്ഞു.
വൈഎംസിഎ സബ്റീജനൽ ജനറൽ കൺവീനർ സതീഷ് മാണിക്കശ്ശേരി അദ്ധ്യക്ഷത വഹിച്ച യോഗത്തിൽ കെപിസിസി സെക്രട്ടറി അഡ്വ. എബി കുറിയാക്കോസ്, മുൻ മുനിസിപ്പൽ ചെയർമാൻമാരായ രാജൻ കണ്ണാട്ട്, ഷിബു രാജൻ പുലിയൂർ പഞ്ചായത്ത് പ്രസിഡന്റ് എം.ജി ശ്രീകുമാർ, ഡോ.ഷിബു ഉമ്മൻ, ഗണെശ് പുലിയൂർ, വൈഎംസിഎ പ്രസിഡന്റ ഫാ. രാജൻ വർഗ്ഗീസ് – ജോയി ഇടവൂർ , സ്റ്റാൻലി ജോർജ് , ഷിജോ ജോസ്, നീൽ ജോർജ് ,ജോൺ സഖറിയ ഗാർഡൻഹൗസ്, സജി തോട്ടത്തിൽ. ചിറമേൽ റെയ്ച്ചൽ രാജൻ, ഷീബ സ്റ്റാൻലി എന്നിവർ പ്രസംഗിച്ചു. കുടിലിൽ ജോർജ്സ്വാതന്ത്ര്യ സമര സ്മരകത്തിൽ റീത്ത് സമർപ്പിച്ച് മന്ത്രിയും നേതാക്കളും പുഷ്പാർച്ച നടത്തി.
