തിരുവനന്തപുരം: വയനാട് മണ്ഡലത്തില് സന്ദര്ശനം നടത്തുമ്പോൾ പഞ്ചായത്ത് ഓഫീസിലെ ബാത്ത് റൂം ഉദ്ഘാടനം ചെയ്യുന്ന എംപിയാണ് രാഹുല് ഗാന്ധിയെന്ന സിപിഐഎം വയനാട് ജില്ലാ സെക്രട്ടറി പി ഗഗാറിന്റെ വാക്കുകളോട് പ്രതികരിച്ച് സൈബര് കോണ്ഗ്രസ്.എഞ്ചിനീയറിംഗ് കോളേജിലെ ടോയ്ലറ്റ് ബ്ലോക്ക് കെട്ടിടത്തിന്റെ ഉദ്ഘാടനം മുഖ്യമന്ത്രി നിര്വഹിച്ചതിന്റെ ശിലാഫലകത്തിന്റെ ചിത്രം ഉപയോഗിച്ചാണ് സൈബര് കോണ്ഗ്രസിന്റെ മറുപടി.
കോഴിക്കോട് എഞ്ചിനീയറിംഗ് കോളേജിലെ മെന്സ് ടോയ്ലെറ്റ് ബ്ലോക്കിന്റെ കെട്ടിട ഉദ്ഘാടനം മുഖ്യമന്ത്രി പിണറായി വിജയന് കഴിഞ്ഞ വര്ഷം ഫെബ്രുവരി 16ന് നിര്വഹിച്ചതിന്റെ ശിലാഫലകത്തിന്റെ ചിത്രമാണ് സൈബര് കോണ്ഗ്രസ് മറുപടിക്കായി ഉപയോഗിക്കുന്നത്. മന്ത്രിയായിരുന്ന കെടി ജലീലിന്റെയും എംഎല്എയായ പ്രദീപ് കുമാറിന്റെ പേരും ഫലകത്തിലുണ്ട്.