പത്തനംതിട്ട : സ്ത്രീകൾക്കെതിരെയുള്ള അതിക്രമങ്ങൾ ഇല്ലാതാകുന്നതിനുള്ള ഓറഞ്ച് ദി വേൾഡ് ക്യാമ്പയിനിന്റെ ഭാഗമായി ജില്ലാ വനിതാ ശിശു വികസന ഓഫീസിന്റെ നേതൃത്വത്തിൽ സൈക്കിൾ റാലി സംഘടിപ്പിച്ചു. പത്തനംതിട്ട ജില്ലാ കളക്ടർ ഡോ. ദിവ്യ എസ് അയ്യർ ഐ. എ. എസ് റാലി ഫ്ലാഗ് ഓഫ് ചെയ്തു. സ്ത്രീകൾക്കെതിരെയുള്ള അതിക്രമങ്ങളും ലിംഗ വിവേചനങ്ങളും അവസാനിപ്പിക്കുന്നത്തിനുള്ള പ്രവർത്തനങ്ങളിൽ എല്ലാവരും പങ്കാളികളാവണമെന്ന് റാലി ഫ്ലാഗ് ഓഫ് ചെയ്ത് സംസാരിക്കവേ കളക്ടർ ആഹ്വാനം ചെയ്തു.
ജില്ലാ വനിതാ ശിശു വികസന ഓഫീസർ തസ്നീം പി. എസ്, ജില്ലാ സ്പോർട്സ് കൗൺസിൽ പ്രസിഡന്റ് കെ. അനിൽ കുമാർ, സൈക്ലിങ് അസോസിയേഷൻ സെക്രട്ടറി എൻ. ചന്ദ്രൻ എന്നിവർ പരിപാടിക്ക് ആശംസകൾ അറിയിച്ചു. ജില്ല സ്പോർട് കൗൺസിൽ, ജില്ലയിലെ യിലെ വിവിധ കോളേജുകളിൽ നിന്നുള്ള വിദ്യാർത്ഥികൾ , ഫാദർ. ജോൺസൻ വി. ജെ തുടങ്ങി നൂറോളം പേർ പരിപാടിയുടെ ഭാഗമായി പങ്കെടുത്തു. പത്തനംതിട്ട കളക്ടറേറ്റ് കവാടത്തിൽ നിന്നും രാവിലെ 9.30ന് ആരംഭിച്ച റാലി 10.30 യോടെ ജില്ലാ സ്റ്റേഡിയത്തിൽ സമാപിച്ചു.