പത്തനംതിട്ട : കഴിഞ്ഞ എൽ.ഡി.എഫ് ഗവൺമെന്റ് വെട്ടിക്കുറച്ച പദ്ധതി വിഹിതവും ഭവന നിർമ്മാണ പദ്ധതിയും പുനസ്ഥാപിച്ച യു.ഡി.എഫ് ഗവൺമെന്റിനെ തികഞ്ഞ പ്രതീക്ഷയോടെയാണ് കേരളം കണുന്നതെന്ന് ഡി.സി.സി വൈസ് പ്രസിഡന്റ് അഡ്വ.എ.സുരേഷ് കുമാർ പറഞ്ഞു. ഗവൺമെന്റ് ഹോസ്പിറ്റലുകളിലെ എച്ച്.എം.സികളിൽ എസ്.സി.എസ്.റ്റി വനിത പ്രതിനിധ്യം ഉറപ്പ് വരുത്തിയ വി.ഡി സതീശൻ ഗവൺമെന്റ് ജനാഭിലാഷം മനസിലാക്കിയാണ് മുന്നോട്ട് പോകുന്നതെന്നും സുരേഷ് കുമാർ പറഞ്ഞു.
ദളിത് കോൺഗ്രസ് ജില്ലാ എക്സിക്യൂട്ടീവ് കമ്മിറ്റി പത്തനംതിട്ട രാജീവ് ഭവനിൽ ഉത്ഘാടനം ചെയ്ത് സംസാരിക്കയായിരുന്നു എ.സുരേഷ് കുമാർ. ജില്ലയിൽ നിന്നും വിജയിച്ച യു.ഡി.എഫ് എം.എൽ.എമാർക്ക് സ്വീകരണം നൽകാനും കമ്മിറ്റി തീരുമാനിച്ചു. ജില്ലാ പ്രസിഡന്റ് എ.കെ ലാലു അദ്ധ്യക്ഷത വഹിച്ചു. പാണ്ടിമലപ്പുറം മോഹനൻ, അജിത് മണ്ണിൽ, എം.പി രാജു, മണ്ണിൽ രാഘവൻ, രവി കണ്ടത്തിൽ, മഞ്ചു വിശ്വനാഥ്, കെ.കെ പ്രസാദ്, അനീഷ് കുമാർ, അരവിന്ദ് ഗോപാൽ, കലേഷ് ഓമല്ലൂർ, പി.കെ ഉത്തമൻ എന്നിവർ പ്രസംഗിച്ചു.
