കൊച്ചി : കൊച്ചിയില്‍ എന്‍ജിന്‍ കേടായി മുങ്ങിയ ബോട്ട് ആലപ്പു‍ഴ പുന്നപ്ര തീരത്തടിഞ്ഞു. പുന്നപ്ര തെക്ക് നര്‍ബോന തീരത്ത് പുലര്‍ച്ചെയാണ് ബോട്ട് കരയ്ക്കടിഞ്ഞത്. പാതിയിലധികം താഴ്ന്ന നിലയിലായിരുന്നു കണ്ടെത്തിയത്. വിവരമറിഞ്ഞ് തോട്ടപ്പള്ളി തീരദേശ പോലീസ്, പുന്നപ്ര പോലീസ് എന്നിവര്‍ സ്ഥലത്തെത്തി.
വെള്ളിയാഴ്ചയായിരുന്നു ബോട്ട് മുങ്ങിയത്. കൊച്ചി കാളമുക്കിന് 44 നോട്ടിക്കല്‍ മൈല്‍ പടിഞ്ഞാറ് കടലില്‍ മഹിത എന്ന പേരുള്ള ബോട്ടാണ് മുങ്ങിയത്. ബോട്ടിലുണ്ടായിരുന്ന ആറ് തൊഴിലാളികളേയും സമീപത്ത് മത്സ്യബന്ധനം നടത്തിയിരുന്നവര്‍ മറ്റൊരു ബോട്ടില്‍ രക്ഷപ്പെടുത്തിയിരുന്നു.
