കൊല്ലം: കൊല്ലത്ത് 12 കാരനെ പീഡിപ്പിച്ച കേസില് ഡാന്സ് മാസ്റ്റര് അറസ്റ്റിലായി. കൊല്ലം കുമ്മിള് സ്വദേശി സുനില്കുമാറാണ് പിടിയിലായത്. നാല് വര്ഷം മുന്പും സമാനമായ കേസില് ഇയാള് പിടിയിലായിരുന്നു. 12 വയസുകാരനിലുണ്ടായ സ്വഭാവ വ്യത്യാസം ശ്രദ്ധയില്പ്പെട്ട വീട്ടുകാര് സ്കൂള് വഴി കൗണ്സിലിംഗ് നടത്തിയപ്പോഴാണ് പീഡന വിവരം പുറത്തറിഞ്ഞത്. വിവരമറിഞ്ഞ് മാതാപിതാക്കള് പോലീസിനെ അറിയിക്കുകയായിരുന്നു.
പ്രതിയെ പോലീസ് കസ്റ്റഡിയിലെടുത്ത് ചോദ്യം ചെയ്തപ്പോള് ഇയാള് കുറ്റം സമ്മതിച്ചു. സ്കൂള് യുവജനോത്സവങ്ങളില് അടക്കം കുട്ടികളെ വര്ഷങ്ങളായി ഡാന്സ് പഠിപ്പിക്കുന്നയാളാണ് സുനില് കുമാര്. 2019 ലും സമാനമായ കേസില് ഇയാള് അറസ്റ്റിലായിരുന്നു. അന്ന് കേസെടുത്തത് പാങ്ങോട് പോലീസായിരുന്നു. ആ കേസില് റിമാന്റിലായിരുന്ന ഇയാള് 60 ദിവസം ജയിലില് കഴിഞ്ഞു. ഇതിന് ശേഷം ജാമ്യത്തില് പുറത്തിറങ്ങിയതായിരുന്നു. ഈ വിവരം അറിയാതെയാണ് ഇയാളുടെ അടുത്തേക്ക് മക്കളെ മാതാപിതാക്കള് ഡാന്സ് പഠിപ്പിക്കാന് അയച്ചത്. കൂടുതല് കുട്ടികള് പീഡനത്തിന് ഇരയായിട്ടുണ്ടോ എന്ന് പോലീസ് പരിശോധിക്കുന്നുണ്ട്.
