മുംബൈ: ബോംബൈ ഐഐടി വിദ്യാര്ത്ഥി ജീവനൊടുക്കിയ സംഭവത്തില് സഹപാഠിയെ പോലീസ് അറസ്റ്റ് ചെയ്തു. ഗുജറാത്തിലെ അഹമ്മദാബാദ് സ്വദേശിയും ബി ടെക് ഒന്നാം വര്ഷ വിദ്യാര്ത്ഥിയുമായ ദര്ശന് സോളങ്കിയുടെ മരണത്തിലാണ് സഹപാഠിയായ അര്മാന് ഖത്രി എന്ന വിദ്യാര്ത്ഥിയെ അറസ്റ്റ് ചെയ്തത്. സോളങ്കിയുടെ ഹോസ്റ്റല് മുറിയില് നിന്നും കണ്ടെത്തിയ ആത്മഹത്യ കുറിപ്പില് അര്മാന് ഖത്രിയുടെ പേരുണ്ടായിരുന്നു.
ഫെബ്രുവരി 12 നാണ് സബര്ബന് പവായിലെ ഐഐടിബി ക്യാമ്പസിലെ ഹോസ്റ്റല് കെട്ടിടത്തിന്റെ ഏഴാം നിലയില് നിന്നും ദര്ശന് സോളങ്കി ചാടി ജീവനൊടുക്കിയത്. മുറിയില് നിന്നും ദര്ശന്റേതെന്ന പേരില് ആത്മഹത്യക്കുറിപ്പ് കണ്ടെത്തിയിരുന്നു. ആത്മഹത്യക്കുറിപ്പില് ‘അര്മാന് എന്നെ കൊന്നു’ എന്ന് രേഖപ്പെടുത്തിയിരുന്നു. അന്വേഷണ സംഘം നടത്തിയ പരിശോധനയില് ആത്മഹത്യാക്കുറിപ്പിലെ കൈയക്ഷരം സോളങ്കിയുടേത് തന്നെയെന്ന് കണ്ടെത്തി. തുടര്ന്നാണ് അര്മാനെ പോലീസ് അറസ്റ്റ് ചെയ്തത്. പ്രതിയെ ചോദ്യം ചെയ്ത വരികയാണ്.