റാന്നി : സൗജന്യ ഡാറ്റാ എന്ട്രി പരിശീലനം. കേന്ദ്ര നൈപുണ്യ വികസന സംരഭക മന്ത്രാലയത്തിന് കീഴില് പ്രധാനമന്ത്രി കൗശല് വികാസ് യോജന (പി എം കെ വി വൈ) 3.0 യുടെ ഭാഗമായിട്ടാണ് നൈപുണ്യ പരിശീലനം. വെച്ചൂച്ചിറ നവോദയ വിദ്യാലയത്തില് ഫെബ്രുവരി മാസത്തില് ആരംഭിക്കുന്ന ക്ലാസുകളിലേയ്ക്കാണ് പ്രവേശനം. പത്താംക്ലാസ് യോഗ്യതയുള്ള 15-നും 29നും ഇടയ്ക്ക് പ്രായമുള്ള പെണ്കുട്ടികള്ക്ക് ഡൊമസ്റ്റിക് ഡാറ്റ എന്ട്രി ഓപ്പറേറ്റര് കോഴ്സിന് അപേക്ഷിക്കാം. പ്രതിദിനം രണ്ട് മണിക്കൂര് വീതം 446 മണിക്കൂര് ആയിരിക്കും പരിശീലനത്തിന് ദൈര്ഘ്യം. നിര്ദിഷ്ട യോഗ്യത തെളിയിക്കുന്ന സര്ട്ടിഫിക്കറ്റ്, പാസ്പോര്ട്ട് സൈസ് ഫോട്ടോ, ആധാര് കാര്ഡ്, എന്നീ രേഖകളുമായി അര്ഹരായവര്ക്ക് ഫെബ്രുവരി ഏഴ് വരെ നവോദയ വിദ്യാലയത്തില് എത്തി അപേക്ഷ സമര്പ്പിക്കാവുന്നതാണ്.
