ദോഹ : തൊടുപുഴ സ്വദേശിയായ യുവതിയെ ഖത്തറിലെ താമസ സ്ഥലത്ത് തൂങ്ങിമരിച്ച നിലയില് കണ്ടെത്തി. ഇടുക്കി തൊടുപുഴ കീരിക്കോട് സ്വദേശി പറമ്പുകാട്ട് ശങ്കരപ്പിള്ളയുടെയും അമ്മിണിയുടെയും മകള് അര്ച്ചന രാകേഷ്(40) ആണ് മരിച്ചത്. എം.ഇ.എസ് ഇന്ത്യന് സ്കൂളില് മുന് അധ്യാപികയായിരുന്നു. ഭര്ത്താവ് രാകേഷ് സി.ബി.ക്യു ബാങ്കില് ജീവനക്കാരനാണ്. മക്കള് – കാര്ത്തിക്(11),ദേവു (6).
വുഖൈറിലെ ബര്വ ഒയാസിസ് കോമ്പൗണ്ടിലെ താമസസ്ഥലത്ത് ചൊവ്വാഴ്ച രാത്രിയാണ് മൃതദേഹം കണ്ടെത്തിയത്. കോവിഡ് ബാധിച്ച ശേഷം കടുത്ത മാനസിക സമ്മര്ദം അനുഭവിച്ചിരുന്നതായി സുഹൃത്തുക്കള് അറിയിച്ചു. മൃതദേഹം ഹമദ് ആശുപത്രി മോര്ച്ചറിയില്. നടപടിക്രമങ്ങള്ക്കായി ഖത്തര് കെ.എം.സി.സി അല് ഇഹ്സാന് മയ്യിത്ത് പരിപാലന കമ്മിറ്റി പ്രവര്ത്തകര് രംഗത്തുണ്ട്.
