തിരുവല്ല : മരുമകളുടെ കുത്തേറ്റ് വീട്ടമ്മ മരിച്ചു. നിരണം കൊമ്പങ്കേരി 12-ാം വാർഡ് പ്ലാംപറമ്പിൽ വീട്ടിൽ കുഞ്ഞൂഞ്ഞമ്മ ചാക്കോയാണ് (66) കുത്തേറ്റ് മരിച്ചത്. ഇന്നു രാത്രി എട്ടുമണിക്കാണ് സംഭവം നടന്നത്. മാനസിക രോഗമുള്ള മരുമകൾ ലിൻസി (24) കുഞ്ഞൂഞ്ഞമ്മ ചാക്കോയെ കത്രിക കൊണ്ട് കുത്തി പരിക്കേൽപ്പിക്കുകയായിരുന്നുവെന്ന് പോലീസ് പറഞ്ഞു. കുത്തേറ്റ കുഞ്ഞുഞ്ഞമ്മ സംഭവ സ്ഥലത്ത് വെച്ച് തന്നെ കൊല്ലപ്പെട്ടു. പുളിക്കീഴ് പോലീസ് മേൽ നടപടികൾ സ്വീകരിച്ചു. ലിൻസിയെ കസ്റ്റഡിയിലെടുത്തു.
