പത്തനംതിട്ട : കേന്ദ്ര ഗവണ്മന്റ് 2020 ജൂണ് 29 ന് പാസ്സാക്കിയ ബാങ്കിംഗ് റെഗുലേഷന് ആക്ട് ഭേദഗതി നിയമം സഹകരണമേഖലയെ തകര്ക്കുന്നതാണെന്ന് അഡ്വ.കെ.ശിവദാസന് നായര് പറഞ്ഞു. കേരളത്തിലെ 1600 ല് അധികം വരുന്ന സര്വ്വീസ് സഹകരണ ബാങ്കുകളും, 60 അര്ബ്ബന് ബാങ്കുകളും ഈ ദേദഗതിയിലൂടെ പ്രതിസന്ധി നേരിടുകയാണെന്ന് അദ്ദേഹം പറഞ്ഞു.
പത്തനംതിട്ട ജില്ലാ സഹകരണ ജനാധിപത്യവേദിയുടെ ആഭിമുഖ്യത്തില് പത്തനംതിട്ട ഹെഡ് പോസ്റ്റോഫീസിന് മുന്പില് നടത്തിയ ധര്ണ്ണ ഉദ്ഘാടനം ചെയ്യുകയായിരുന്നു അദ്ദേഹം. സഹകരണ സംഘങ്ങള് ബാങ്ക് എന്ന ലേബലില് പ്രവര്ത്തിക്കാന് പാടില്ല, ചെക്ക് ഉപയോഗിക്കാന് പാടില്ല, അംഗങ്ങള് അല്ലാത്തവരില്നിന്ന് നിക്ഷേപം സ്വീകരിക്കരുത് തുടങ്ങിയവ ഭേദഗതിയില് ഉള്പ്പെടുത്തിയിരിക്കുന്നത് സഹകരണ ജനാധിപത്യ ധ്വംസനം ആണെന്ന് അദ്ധ്യക്ഷത വഹിച്ച സഹകരണ ജനാധിപത്യവേദി ചെയര്മാന് അഡ്വ.കെ.ജയവര്മ്മ പറഞ്ഞു.
യോഗത്തില് പി.മോഹന്രാജ്, എ.ഷംസുദ്ദീന്, അനീഷ് വരിക്കണ്ണാമല, എ.സുരേഷ് കുമാര്, തോപ്പില് ഗോപകുമാര്, ജോഷ്വാ മാത്യു, ഡോ.സജി ചാക്കോ, തോട്ടുവാ മുരളി, റജി തോമസ്, മൈലപ്ര ഗോപി, റജി പണിക്കമുറി, പ്രസാദ് ജോര്ജ്ജ്, സി.കെ ശശി തുടങ്ങിയവര് പ്രസംഗിച്ചു.
