തൃക്കാക്കര ഉപതെരഞ്ഞെടുപ്പ് ; കോൺഗ്രസ് പത്തനംതിട്ട ജില്ലാ നേതൃസംഗമവും മുന്നൊരുക്ക യോഗവും മാറ്റിവെച്ചു

പത്തനംതിട്ട: തൃക്കാക്കര ഉപതെരഞ്ഞെടുപ്പുമായി ബന്ധപ്പെട്ട കാര്യങ്ങൾക്ക് അടിയന്തിര ശ്രദ്ധ നൽകേണ്ട സാഹചര്യത്തിൽ മെയ് 6ന് പത്തനംതിട്ട റോയൽ ഒഡിറ്റോറിയത്തിൽ വെച്ച് നടത്തുവാൻ നിശ്ചയിച്ചിരുന്ന കോൺഗ്രസ് ജില്ലാ നേതൃ സംഗമം കെ.പി.സി.സി നിർദ്ദേശ പ്രകാരം മാറ്റി വെച്ചതായി ഡിസിസി പ്രസിഡന്റ് പ്രൊഫ. സതീഷ് കൊച്ചുപറമ്പിൽ അറിയിച്ചു. ഇതിന്റെ മുന്നൊരുക്കങ്ങൾക്കായി നടത്തുവാൻ തീരുമാനിച്ചിരുന്ന ഡിസിസി ഭാരവാഹികളുടെ യോഗവും മാറ്റിവെച്ചതായി അദ്ദേഹം പറഞ്ഞു.