പത്തനംതിട്ട : ജില്ലയിലെ ഗ്രാമപഞ്ചായത്ത് ഉപതെരഞ്ഞെടുപ്പ് ഫലങ്ങള് യു.ഡി.എഫിനെ ഭൂരിപക്ഷം ജനങ്ങള് പിന്തുണച്ചുവെന്നതിന് തെളിവാണെന്ന് പത്തനംതിട്ട ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പില് പറഞ്ഞു. കോന്നി ഗ്രാമപഞ്ചായത്തില് 2020 ല് 45 വോട്ടിന്റെ ഭൂരിപക്ഷം ഉണ്ടായിരുന്നിടത്ത് ഉപതെരഞ്ഞെടുപ്പില് ഭൂരിപക്ഷം 133 ആയി ഉയര്ന്നു. കൊറ്റനാട് ഉപതെരഞ്ഞെടുപ്പില് തുല്യം വോട്ട് നേടിയ സ്ഥലത്ത് ടെന്ഡര് വോട്ട് എണ്ണാന് തയ്യാറാകാതെ നറുക്കിട്ടത് സി.പി.ഐ സ്ഥാനാര്ത്ഥിയുടെ വിജയം ഉറപ്പുവരുത്താന് മാത്രമാണെന്ന് ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പില് പറഞ്ഞു.
കഴിഞ്ഞ തവണ ഇവിടെ 200 വോട്ടിനാണ് എല്.ഡി.എഫ് സ്ഥാനാര്ത്ഥി വിജയിച്ചത്. ടെന്ഡര് വോട്ടുകള് എണ്ണണമെന്നുള്ള കോടതി ഉത്തരവുകള് കാറ്റില് പറത്തിയാണ് ഇടതുപക്ഷം ജനവിധി അട്ടിമറിച്ചത്. ഇതിനെതിരേ യു.ഡി.എഫ് കോടതിയെ സമീപിക്കുമെന്നും ഡി.സി.സി പ്രസിഡന്റ് പറഞ്ഞു. റാന്നി അങ്ങാടിയില് ഉപതെരഞ്ഞെടുപ്പില് യു.ഡി.എഫിന്റെ പരാജയ കാരണം സംബന്ധിച്ച് ബന്ധപ്പെട്ട ബ്ലോക്ക്, മണ്ഡലം, ബൂത്ത് കമ്മിറ്റികളില് നിന്ന് വിശദീകരണം തേടുമെന്നും ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പില് പറഞ്ഞു.
