പത്തനംതിട്ട : അസമത്വങ്ങളും അനാചാരങ്ങളും നിറഞ്ഞ കാലഘട്ടത്തില് സ്വന്തം സമുദായത്തിലും പൊതുസമൂഹത്തിലും നിലനിന്നിരുന്ന അസമത്വങ്ങളും അനാചാരങ്ങളും ഇല്ലാതാക്കുവാന് കഠിന പരിശ്രമം നടത്തി കാലത്തിന് മുന്പേ നടന്ന വിപ്ലവകാരിയായിരുന്നു മഹാത്മാ അയ്യങ്കാളിയെന്ന് ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പില് പറഞ്ഞു. ഭാരതീയ ദളിത് കോണ്ഗ്രസ് ജില്ലാ കമ്മിറ്റിയുടെ നേതൃത്വത്തില് സംഘടിപ്പിച്ച മഹാത്മാ അയ്യങ്കാളിയുടെ എണ്പത്തി ഒന്നാം സ്മൃതി ദിനാചരണ പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അധ:സ്ഥിത, പിന്നോക്ക വിഭാഗങ്ങളുടെ വിദ്യാഭ്യാസ അവകാശങ്ങള്ക്കും മറ്റ് സാമൂഹിക പുരോഗതിക്കുമായി അദ്ദേഹം നടത്തിയ പോരാട്ടം സമാനതകള് ഇല്ലാത്തതാണെന്ന് ഡി.സി.സി പ്രസിഡന്റ് പറഞ്ഞു.
കേരളത്തിന്റെ സാമൂഹ്യ നവോത്ഥാനത്തിന് അയ്യങ്കാളിയുടെ സംഭാവനകള് എന്നും സ്മരിക്കപ്പെടുമെന്ന് അദ്ദേഹം പറഞ്ഞു. ഭാരതീയ ദളിത് കോണ്ഗ്രസ് ജില്ലാ പ്രസിഡന്റ് പി.ജി ദിലീപ് കുമാര് അദ്ധ്യക്ഷത വഹിച്ചു. ഡി.സി.സി ഭാരവാഹികളായ അഡ്വ.എ.സുരേഷ് കുമാര്, സാമുവല് കിഴക്കുപുറം, സജി കൊട്ടയ്ക്കാട്, എം.എസ് പ്രകാശ്, അബ്ദുള് കലാം ആസാദ്, ദളിത് കോണ്ഗ്രസ് ഭാരവാഹികളായ കെ.എന് മനോജ്, സാനു തുവയൂര്, എം.ജി ശ്രീകുമാര് റാന്നി, സൂരജ് മന്മഥന്, പി.മുരളീധരന് എന്നിവര് പ്രസംഗിച്ചു.
