പത്തനംതിട്ട : ശാസ്ത്ര-സാങ്കേതിക രംഗത്തെ വളര്ച്ചയിലുള്പ്പെടെ ഇന്ത്യയെ വികസനത്തിന്റെ പാതയിലൂടെ നയിച്ച് ആധുനിക ഇന്ത്യയെ രൂപപ്പെടുത്തുന്നതില് നിര്ണ്ണായക പങ്ക് വഹിച്ച മഹദ് വ്യക്തിത്വമാണ് മുന് പ്രധാന മന്ത്രിയും കോണ്ഗ്രസ് പ്രസിഡന്റുമായിരുന്ന രാജീവ് ഗാന്ധിയെന്ന് കോണ്ഗ്രസ് രാഷ്ട്രീയകാര്യ സമിതി അംഗം പ്രൊഫ. പി.ജെ കുര്യന് പറഞ്ഞു.
രാജീവ് ഗാന്ധിയുടെ 77-ാം ജന്മദിനത്തോടനുബന്ധിച്ച് ജില്ലാ കോണ്ഗ്രസ് കമ്മിറ്റിയുടെ നേതൃത്വത്തില് രാജീവ് ഭവനില് സംഘടിപ്പിച്ച സദ്ഭാവനാ ദിനവും അനുസ്മരണ സമ്മേളനവും ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. പഞ്ചായത്ത് രാജ്, നഗരപാലിക ബില്ലിലൂടെ അധികാര വികേന്ദ്രീകരണത്തിന് രാജ്യത്ത് ആദ്യമായി നേതൃത്വം നല്കിയ രാജീവ് ഗാന്ധിയെ രാഷ്ട്രം എക്കാലത്തും സ്മരിക്കുമെന്നും പ്രൊഫ. പി.ജെ കുര്യന് പറഞ്ഞു.
ഡി.സിസി പ്രസിഡന്റ് ബാബു ജോര്ജ്ജ് അദ്ധ്യക്ഷത വഹിച്ചു. ആന്റോ ആന്റണി എം.പി, പ്രൊഫ. സതീഷ് കൊച്ചുപറമ്പില്, എ. ഷംസുദ്ദീന്, റിങ്കു ചെറിയാന്, അനീഷ് വരിക്കണ്ണാമല, അഡ്വ. കെ. ജയവര്മ്മ, ജോര്ജ്ജ് മാമ്മന് കൊണ്ടൂര്, ബാബുജി ഈശോ, എ. സുരേഷ് കുമാര്, വെട്ടൂര് ജ്യേതിപ്രസാദ്, അനില് തോമസ്, സാമുവല് കിഴക്കുപുറം, കാട്ടൂര് അബ്ദുള്സലാം, ജോണ്സണ് വിളവിനാല് തുടങ്ങിയവര് പ്രസംഗിച്ചു.