പാലക്കാട്: പാലക്കാട് കൊട്ടേക്കാട് വിദ്യാര്ഥിനിയും യുവാവും തൂങ്ങിമരിച്ച നിലയില് കണ്ടെത്തിയ സംഭവത്തില് പോലീസിനെതിരെ ബന്ധുക്കള്. കാണാതായ ഇരുവരെയും കണ്ടെത്താന് പോലീസ് കാര്യക്ഷമമായി അന്വേഷിച്ചില്ലെന്ന് പരാതി. കൊട്ടേക്കാട് സ്വദേശി രഞ്ജിത്ത് (24) 14 വയസുകാരിയും ആണ് മരിച്ചത്. വീടിന് സമീപത്തെ പറമ്പില് നിന്നാണ് ഇരുവരെയും തൂങ്ങിമരിച്ച നിലയില് കണ്ടെത്തിയത്.
പെണ്കുട്ടിയെ മെയ് 14 മുതല് കാണാനില്ലെന്ന് വീട്ടുകാര് പരാതി നല്കിയിരുന്നു. പരാതി നല്കിയതിന് പിന്നാലെ ബന്ധുക്കളും സ്വന്തം നിലയില് ഇരുവരെയും കണ്ടെത്താന് ശ്രമം നടത്തിയിരുന്നു. എന്നാല് അന്വേഷണത്തില് അലംഭാവമുണ്ടായെന്ന ആരോപം മലമ്പുഴ പോലീസ് നിഷേധിച്ചു. വിഐപി സുരക്ഷാ ജോലിക്കിടയിലും യുവാവിനെയും പെണ്കുട്ടിയെയും കണ്ടെത്താന് ഫലപ്രദമായ അന്വേഷണം നടത്തിയിരുന്നെന്ന് പോലീസ് വിശദീകരിച്ചു.
