കവുങ്ങിൽ നിന്ന് വീണ് മധ്യവയസ്കൻ മരിച്ചു

കോന്നി : തേക്കുതോട്ടിൽ കവുങ്ങിൽ നിന്ന് വീണ് മധ്യവയസ്കൻ മരിച്ചു. മൂർത്തിമൺ സ്വദേശി പ്ലാവിളയിൽ വീട്ടിൽ സജി ജോർജ്ജ് (50)ആണ് മരിച്ചത് . രാവിലെ പതിനൊന്ന് മണിയോടെ ആയിരുന്നു സംഭവം. തേക്കുതോട് പറക്കുളത്തെ സ്വകാര്യ വ്യക്തിയുടെ പുരയിടത്തിൽ കവുങ്ങ് കയറികൊണ്ടിരിക്കുമ്പോൾ ആയിരുന്നു അപകടം. ആദ്യം പത്തനംതിട്ട ജനറൽ ആശുപത്രിയിലും തുടര്‍ന്ന് തിരുവല്ലയിലെ സ്വകാര്യ മെഡിക്കൽ കോളേജിലും എത്തിച്ചെങ്കിലും രക്ഷപെടുത്താൻ കഴിഞ്ഞില്ല. സംസ്കാരം പിന്നീട്. ഭാര്യ – ഷിജി, മക്കൾ – ലിജോ, ലിജു, ലിബിൻ