കണ്ണൂര്: അന്തരിച്ച സി പി എം നേതാവ് കോടിയേരി ബാലകൃഷ്ണനെ അപകീര്ത്തിപ്പെടുത്തുന്ന തരത്തില് ഫേസ്ബുക്കില് കമന്റിട്ട അധ്യാപികക്കെതിരെ പോലീസ് കേസ് രജിസ്റ്റര് ചെയ്തു. വടകര ഓര്ക്കാട്ടേരി സ്വദേശിനി കെ വി ഗിരിജക്കെതിരെയാണ് കൂത്തുപറമ്പ് പോലീസ് എഫ് ഐ ആര് രജിസ്റ്റര് ചെയ്തത്.
വിവാദ കമന്റിനെതിരെ മാനന്തേരി സ്വദേശി പി ജിജോ ആണ് കൂത്തുപറമ്പ് പോലീസില് പരാതി നല്കിയത്. ജന നേതാവിനെ അവഹേളിക്കുന്ന തരത്തിലുള്ളതാണ് കമന്റെന്നും അതുകൊണ്ടാണ് പരാതി നല്കിയതെന്നും ജിജോ പറഞ്ഞു. കോടിയേരി ബാലകൃഷ്ണന് അന്തരിച്ചുവെന്ന ചാനല് വാര്ത്തക്ക് താഴെയാണ് അധ്യാപിക അപകീര്ത്തികരമായ കമന്റിട്ടത്.
