ന്യൂഡല്‍ഹി : വടക്കുകിഴക്കന്‍ ഡല്‍ഹിയിലെ മുസ്തഫാബാദില്‍ മൂന്ന് നില കെട്ടിടം തകര്‍ന്ന് ഒരാള്‍ മരിച്ചു. ഗുരുതരമായി പരിക്കേറ്റ മൂന്ന് പേരെ ആശുപത്രിയില്‍ പ്രവേശിപ്പിച്ചു. മുസ്തഫാബാദിലെ വ്യാപാരി സുലൈമാന്റെ മകന്‍ സൂഫിയാന്‍ (20) ആണ് മരിച്ചത്. സുലൈമാനെയും മറ്റ് കുടുംബാംഗങ്ങളെയും അഗ്നിരക്ഷാ സേന രക്ഷപ്പെടുത്തി. ബാബു നഗര്‍ ചാനെവാലി തെരുവില്‍ സ്ഥിതി ചെയ്യുന്ന ഷമീം അഹ്മദിന്റെ കെട്ടിടമാണ് പുലര്‍ച്ചെ അഞ്ച് മണിയ്ക്ക് തകര്‍ന്നുവീണത്. കച്ചവടക്കാരനായ സുലൈമാനും കുടുംബവും നാല് വര്‍ഷമായി വാടകയ്ക്ക് വസിക്കുന്ന കെട്ടിടമാണിത്.
