ഡല്‍ഹി : ഡല്‍ഹി കലാപവുമായി ബന്ധപ്പെട്ട യു.എ.പി.എ കേസില്‍ സ്പെഷ്യല്‍ സെല്‍ നാളെ കുറ്റപത്രം സമ൪പ്പിക്കും. പൗരത്വ പ്രക്ഷോഭത്തെ മറയാക്കി കലാപം ആസൂത്രണം ചെയ്തെന്ന ആരോപണമാണ് കുറ്റപത്രത്തിലുള്ളത് എന്നാണ് വിവരം. കലാപാഹ്വാനം നടത്തിയ ബി.ജെ.പി നേതാവ് കപില്‍ മിശ്ര അടക്കമുള്ളവരെ രക്ഷിച്ചെടുക്കുന്നതായിരുന്നു പോലീസ് അന്വേഷണമെന്ന് പ്രതിപക്ഷവും ഒരു വിഭാഗത്തെ മാത്രമാണ് പോലീസ് അന്വേഷണപരിധിയില്‍ ഉള്‍പ്പെടുത്തിയതെന്ന് കോടതിയും വിമ൪ശിച്ചിരുന്നു.
കലാപവുമായി ബന്ധപ്പെട്ട എഴുനൂറിലധികം വരുന്ന കേസുകളില്‍ ഏറ്റവും സുപ്രധാനമായ കേസാണ് കലാപാസൂത്രണവുമായി ബന്ധപ്പെട്ട കേസ്. യു.എ.പി.എ അടക്കമുള്ള വകുപ്പുകള്‍ ചുമത്തിയുള്ള കേസില്‍ ഡല്‍ഹി ക൪ക്ക൪ദൂമ പ്രത്യേക കോടതിയില്‍ നാളെ പോലീസ് കുറ്റപത്രം സമ൪പ്പിക്കും.
